مايصفون مايصفون
سيد عبد الخالق المحنه

"‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘




الى وطني الاسير
اقولها وكلّي أسف
÷÷÷÷÷÷÷÷÷÷
مايصفون مايصفون
تخلبص خيطها او نيّتهم ايگطعون
عميانه السچچ وبلا أثر يمشون
كلمن عنده رايه او يرفض الآراء
وكلمن ترس جيبه او گاموا اينثرون
يجي وكت الزرع ماشفنه كل فلّاح
لچن وكت الحصاد اولادك ايهوسون؟
بالله اشلون تالي اشلون بالله اشلون
اوعدك بالوعد وسكيك ياكمّون ؟؟؟
الوطن صاحب بخت والشاره ليله اويوم
بلكي ابجاه بختك كلهم ايعثرون
تفرّقهم محبتك والعيون اوكاح
بس كلّي اعله چتــلك ليش يجتمعون
مايصفون
اذا شفنه الذيابه تلعب اويه الشاة
وتصافوا سويّه الفار والبزّون
مايصفون
مصالحهم اعز من الوطن والدين
والباعوا ضماير بعد شيبيعووووووووووووووون
لو كلهم ملوك اوراس ينطح راس
لو ماكو لعب لو كلهم ايلعبون
سهروا ليل احمر والكراسي اجروح
ناموا حيل ناموا بعد مايصحون
مو صاح الوطن حيهوم چم حيهوم
ابشرك ياوطن ثولان ميسمعون
سكته او خوش سكته انباوع ابلا شوف
سحگوا عاليتامه اوگلنه مايدرون
كلهم ما اميّز بعد هذا او ذاك
ترس بطنه ثريد او تفل بالماعون


ترس بطنه ثريد او تفل بالماعون
آآآآآآآآآآآآآآآآآآآآآآآه آه ياعراق